Category Archives: အရည်သောက်

ကြာဆံချက်ကို အလှူမင်္ဂလာမွေးနေ့ပွဲတွေမှာ ဧည့်ခံကျွေးမွေးဖို့အတွက်သော်လည်းကောင်း၊ မိမိအိမ်မှာ မိသားစုနဲ့ ချက်ပြုတ်စားသောက်ဖို့အတွက်သော်လည်းကောင်း ချက်ပြုတ်လေ့ရှိကြပါတယ်။ ဒီလိုချက်ပြုတ်ရာမှာ ပါဝင်ပစ္စည်းတွေ၊ ထည့်ချက်ရမည့် ပမာဏတွေဟာ အချိန်အဆ မှန်ကန်မှသာ ပြည့်စုံကောင်းမွန်တဲ့ဟင်းပွဲတစ်ပွဲ ဖြစ်လာမယ်လို့ ယုံကြည်ပါတယ်။ ဒါ့ကြောင့် ကြာဆံချက် ချက်ပြုတ်ရာမှာ ပါဝင်ပစ္စည်းတွေနဲ့ ချက်ပြုတ်နည်းအဆင့်ဆင့်တွေကို ဖော်ပြပေးလိုက်ပါတယ်နော်။ ပါဝင်ပစ္စည်းများ ပဲကြာဆံ ၁၀ ကျပ်သား ကြွက်နားရွက်မှို(မှိုခြောက်) ၅ပွင့် ပဲလိပ်ခြောက် အနည်းငယ် ကြက်သွန်နီ ၁ လုံး ငုံးဥ ၁၀ လုံး ဗမာကြက်သား ၅တုံး ခရမ်းချဉ်သီး ၁လုံး ပဲဆီ ၂ ဇွန်း(ဟင်းစားဇွန်း) ဆား အနည်းငယ် အချိုမှုန့် (သို့မဟုတ်) ဟင်းခတ်မှုန့် အနည်းငယ် ပြုလုပ်ပုံအဆင့်ဆင့် ကြာဆံချက်အတွက် လိုအပ်သော ပဲကြာဆံ၊ ကြွက်နားရွက်မှို၊ ပဲလိပ်ခြောက်တို့ကို…

သာမန်အားဖြင့် ဘူးသီးကို ဟင်းခါး/ဟင်းချို ချက်စားလေ့ရှိကြသလို ကြက်သားနဲ့ရောပြီး ကြက်/ဘူးဆိုပြီး ချက်စားလေ့ရှိကြပါတယ်။ ဒါပေမဲ့ ဘူးသီးကို ချဉ်ရည်ဟင်းအနေနဲ့ ချက်စားလို့ ရတယ်ဆိုတာကိုတော့ အချို့သူတွေက မသိကြဘူးလို့ ထင်ပါတယ်။ ဒါ့ကြောင့် ထမင်းမြိန်စေမည့် ဘူးသီးချဉ်ရည်ချက် နည်းလေးကို ဝေမျှပါရစေနော်။ ဘူးသီးချဉ်ရည်ဟင်းက ချက်ရတာလည်း လွယ်ကူရိုးရှင်းသလို ထမင်းစားကောင်းမည့် ဟင်းတစ်ခွက်ဖြစ်မယ်လို့ ယုံကြည်ပါတယ်။ ဘာကြောင့်လဲဆိုရင် မြန်မာအများစုကတော့ အသား၊ငါးဟင်းတွေ မပါချင်နေပါစေ၊ ချဉ်၊ ငန်၊ စပ်အရသာလေးသာ ပါလို့ကတော့ ထမင်းစားမြိန်တတ်ကြတဲ့ လူမျိုးတွေမို့လား :D :D ကဲ ဒါဆို ဘူးသီးချဉ်ရည်လေးကို စချက်ကြည့်ကြရအောင် ဘူးသီးချဉ်ရည်ချက်ဖို့အတွက် လိုအပ်တဲ့ပါဝင်ပစ္စည်းတွေကတော့ - ဘူးသီးအရွယ်တော် (၂) စိပ် ခရမ်းချဉ်သီးကိုင်းသီး (ဗမာသီး) (၇)လုံး ငပိ မန်ကျီးစေ့(၁)စေ့ခန့် နံနံပင်အနည်းငယ် ဆားအနည်းငယ်…

ဘူးရွက်ကို သာမန်အားဖြင့် ကြော်စားတတ်ကြလေ့ရှိကြပါတယ်။ ကျမတို့ အညာဒေသ အထူးသဖြင့် မုံရွာနယ်ဘက်မှာ ချက်စားလေ့ရှိတဲ့ ဘူးရွက်ဟင်းချို ချက်နည်းလေးကို ဟင်းချက်ဝါသနာရှင်များအတွက် ဝေမျှချင်ပါတယ်။ ဘူးရွက်ဟင်းချိုကတော့ ချက်ရတာလည်း လွယ်ကူသလို ဆီပါဝင်မှုလည်း နည်းပါတာမို့လို့ ကျန်းမာရေးအတွက်လည်း ပိုပြီးသင့်တော်ပါတယ်နော်။ ဘူးရွက်ဟင်းချို ချက်ဖို့အတွက် လိုအပ်တဲ့ပါဝင်ပစ္စည်းတွေကတော့ - ဘူးရွက်(၂)စည်း နံနံပင်(၁)တစ်စည်း ငပိ မန်ကျည်းစေ့ခန့် ပုဇွန်ခြောက် လက်ဖက်စားဇွန်း(၁)ဇွန်း ကြက်သွန်နီ(၁)လုံး ဆားအနည်းငယ် ဟင်းခပ်မှုန့် (သို့) ဟင်းချိုမှုန့်အနည်းငယ် ဆီ ထမင်းဇွန်း(၁)ဇွန်း ပြုလုပ်ပုံအဆင့်ဆင့် ပထမဆုံးအနေနဲ့ ဘူးရွက်ကို အရိုးရင့်များ၊ အရွက်ကြမ်းများကို ဖယ်ရှားပါ။ ဈေးကဝယ်လာတဲ့ ဘူးရွက်တွေမှာလည်း ဘူးသီးအနုအသေးလေးတွေလည်းပါလာတတ်တာမို့ အဲ့ဒီအသီးနုလေးတွေလည်း ထည့်ချက်လို့ရပါတယ်နော်။ ဒါ့အပြင် နှာမောင်းတံ(ဘူးနွယ်)လေးတွေကိုလည်း ထည့်ပြီးချက်လို့ရပါတယ်နော်။ ဘူးရွက်၊ ဘူးညွန့်များ သင်ပြီးရင်တော့ ရေဆေးပြီး စစ်ထားပါ။…

မန်ကျည်းရွက်ဆိုရင် ချဉ်ရည်ဟင်းချက်စားလို့ရသလို ၊ မန်ကျည်းရွက်သုပ်၊ မန်ကျည်းရွက်ချက်စသဖြင့် ချက်စားလေ့ရှိကြပါတယ်။  ဒန့်သလွန်သီးကိုတော့ ပဲကုလားဟင်းထဲမှာလည်း ထည့်ချက်ကြသလို ဒန့်သလွန်သီးမီးကင်ပြီးတော့လည်း ဟင်းခါးချက်စားကြသလို ငါးနဲ့တွဲဖက်ပြီးတော့လည်းချက်စားလေ့ရှိကြပါတယ်။ ဒီနေ့မှာတော့ အညာဒေသ အထူးသဖြင့် မုံရွာဒေသဘက်မှာ ချက်စားလေ့ရှိတဲ့ မန်ကျည်းရွက် ဒန့်သလွန်သီးချဉ်ရည်ဟင်းချက်နည်းလေးကိုဝေမျှချင်ပါတယ်။ မန်ကျည်းရွက် ဒန့်သလွန်သီးချဉ်ရည်ဟင်းချက်ဖို့အတွက် လိုအပ်တဲ့ ပါဝင်ပစ္စည်းတွေကတော့- ဒန့်သလွန်သီး ၅ တောင့် မန်ကျည်းရွက် ၁၀ ကျပ်သား ကြက်သွန်နီ ၁ လုံး ငပိ အနည်းငယ်(မန်ကျီးစေ့ ၁ စေ့ခန့်) ဆားအနည်းငယ် အချိုမှုန့်အနည်းငယ် ဆီ ဟင်းစားဇွန်း(၁)ဇွန်းခန့်လိုအပ်မှာဖြစ်ပါတယ်။ ပြုလုပ်ပုံအဆင့်ဆင့် ဒန့်သလွန်သီးကို လက်သုံးဆစ်ခန့် အရွယ်အစားများဖြတ်၍ အခွံနွှာ ရေဆေးထားပါ။ မန်ကျည်းရွက်ကို အရွက်ကြမ်းများနှင့်အရိုးရင့်များ ဖယ်ထုတ်ပြီး ရေဆေး၍ စစ်ထားပါ။ ကြက်သွန်နီအခွံနွှာပြီး ရေဆေး၍ လှီးထားပါ။ ချဉ်ရည်ဟင်းချက်မည့်အိုးထဲသို့…